Kamioi gidariaren ikasketak eta elkarlanaren inguruko beste kontu batzuk

Errealitatea bakoitzaren pertzepzioen arabera interpretatzen dugu.
Errealitatea bakoitzaren pertzepzioen arabera interpretatzen dugu.

Bada Gavilan-ek (2003) jasotzen duen istorio labur bat, zera dionena. Gau batean kamioi gidari bat bidean doala gurpila lehertzen zaio. Konpontzen hasi eta konturatu da gizona ez duela katurik eta erabaki du gertu dagoen herrixka batera joango dela. Izan ere bada bertan ezaguna duen mekaniko bat. Bidea luzea da eta buruari bueltaka hasteko beta ematen dio.“Eta mekanikoa gaueko ordu hauetan esnatu dudalako haserretzen bazait? Seguruenik petraldu eta ez didala lagunduko esango dit. Gainera, ez nauela oso gogoko uste dut, aurrekoan agurrik ere ez zidan egin. Zatarkeriaren bat esan eta katurik gabe utziko nau”. Kontu hauek buruan dituela iritsi da gizona mekanikoaren atera. Txirrina jo orduko, hor ateratzen da mekanikoa logale aurpegiarekin. Baina agurtzeko ere tarterik eman gabe zera botatzen dio kamioi gidariak: Badakik zer esaten diadan? Sartzeko katua nahi duan lekutik!

 

Chris Argirys-ek akademian ezagunagoa den kontzeptua proposatu zuen era honetako prozesuetarako: inferentziaren eskailera. Honen bidez azaldu zuen nola zuzenean ikusten dugun zerbaitetik abiatuz, informazioa gure usteen arabera filtratzen dugun. Informazio horri esanahia eransten diogu eta esanahi horren araberako ustezko ondorioak onartzen ditugu. Ondorio hauek sinesten ditugu eta sinesmenak gidatzen du gure ekintza. Esan genezake, beraz, kamioi gidaria Argirys-en inferentziaren eskaileran gora joan zela.

inferentziaren-eskailera
Chris Argirys-en inferentziaren eskailera (Itzulia).

Azken aldian sarri aritzen gara akordioak lortzearen garrantziaz. Akordioak gobernuak osatzeko, enpresen iraunkortasuna bermatzeko, berritzeko, nazioartekotzeko… Ahoz aho darabiltzagu kolaborazioa, elkarlana, kogenerazioa. Baina beti al dira posible? Beti ematen al dira baldintza egokiak hauei guztiei ekiteko?

Erantzun borobilik ez daukat, noski, galdera honentzat. Baina bada hilabete hauetan lantzen ari garen ideia bat. Bakoitza eskailera baten muturrean bagaude, nekez ulertuko dugu elkar. Ondorioz, elkarlanerako metodologiaren abiapuntuan eskaileratik jaitsi eta elkar topatzeko momentu bat egon behar du. Baina, nola jaitsi eskaileratik? Izan ere bakoitzari geuk sinesten duguna egia iruditzen zaigu eta besteak diona kasurik onenean gaizkiulertua, informazio falta, ulertzeko gaitasun eza eta txarrenean interes hutsa edo gaiztakeria. Bada, erremedioa sinplea bezain mingarria da. Entzun aurrean dugunari, baina ez sarri ohi dugun moduan, erantzuna prest izanda. Entzun sinetsiz bere egiaren bertsioa gurea bezain egiazkoa dela.

Gure kamioi gidariak ere horixe egin izan balu, nork daki, agian kafe bero bat hartu eta katua eskuan egin izango zukeen bueltako bidea.

mirenlarrea

Miren Larrea comenzó su carrera profesional como ayudante de investigación en la Universidad de Deusto, donde realizó su tesis doctoral sobre los sistemas productivos locales de la Comunidad Autónoma del País Vasco. Tras una década dedicada a la enseñanza y a la investigación, trabajó durante seis años en una agencia de desarrollo local, donde combinó su práctica como profesional del desarrollo territorial con su labor de investigación en la universidad. Tras este período, se integró como investigadora senior en Orkestra-Instituto Vasco de Competitividad, con el objeto de desarrollar una aproximación a la investigación que vinculara la investigación sobre desarrollo territorial con la práctica en este campo. Gran parte de sus trabajo se centra hoy en día en el desarrollo de procesos de investigación-acción con policy makers, para poder crear enfoques participativos del desarrollo territorial. Es licenciada en Administración y Dirección de Empresas, y es doctora en Ciencias Económicas por la Universidad de Deusto. Larrea ha publicado varios artículos en revistas y libros internacionales, sobre las redes para el desarrollo territorial, las agencias de desarrollo local, gobernanza, aprendizaje en las políticas (policy learning) e investigación-acción como estrategia para el desarrollo territorial.